Utrum liceat die 1 ianuarii
formularium Missae pro pace adhibere?
R/. Negative.
In cap. VIII Institutionis
Generalis Missalis Romani, quod de Missis et orationibus pro variis necessitatibus
agitur, n. 374 statuit: «Occurrente aliqua graviore necessitate vel utilitate
pastorali, Missa ipsi conveniens celebrari potest, de mandato vel licentia
Episcopi dioecesani, omnibus diebus, exceptis sollemnitatibus, dominicis
Adventus, Quadragesimae et Paschae, diebus infra octavam Paschae,
Commemoratione omnium fidelium defunctorum et feriis IV Cinerum et Hebdomadae
sanctae».
Praeterea, praemissa partis Missalis Romani, quae ad Missas
ad diversa pertinet, eodem n. 374 Institutionis
Generalis repetito, textum quoque n. 376 refert dicens: «Si autem vera
necessitas vel utilitas pastoralis id postulet, Missa aut oratio huic
necessitati conveniens, in celebratione cum populo, de iudicio rectoris
ecclesiæ vel ipsius sacerdotis celebrantis adhiberi potest etiam quando
occurrit memoria obligatoria aut feria Adventus usque ad diem 16 decembris,
feria temporis Nativitatis a die 2 ianuarii et temporis paschalis post octavam
Paschatis».
Demum, sive in formulario n. 25: «Initio anni civilis» sive
in formulario n. 30: «Pro pace et iustitia servanda», rubrica professe dicit: «Haec
Missa adhiberi nequit in sollemnitate sanctae Dei Genetricis Mariae, die 1
ianuarii».
RDP: Notitiae 50 (2014) 50