Utrum Administrator
dioecesanus, qui, sede vacante, dioecesim gubernet, officium habeat et ius
sacramentum confirmationis conferendi fidelibus illius dioecesis, necnon ipsam
facultatem determinatis prebyteris concedendi.
R/. Cum
christifidelibus ius officiumque sit, ut adiumentum ex sacramento
confirmationis accipiant (cf. can. 213; 843 § 1; 890), et Episcopus dioecesanus
obligatione teneatur curandi, ut petentibus conferantur (cf. can. 885 §§ 1 et
2), sequitur ut Administrator dioecesanus, cui aequum officium est ac Episcopo
dioecesano (cf. can. 427 § 1), ipso iure facultatem habet sacramentum
confirmationis conferendi.
Si necessitas id
requirat, potest etiam Administrator diocesanus facultatem concedere
determinatis presbyteris, ut hoc sacramentum administrent (cf. can. 427 § 1;
884 § 1; 885 §§ 1 et 2).
Administrator
dioecesanus, facultate confirmationem valide ministrandi gaudet tantummodo in
territorio diocesis suae curae pastorali commisso.
Congregatio pro Cultu Divino et Disciplina Sacramentorum
(RPD2: Notitiae 35-1999: 160)